<< نووچەیێن

مامۆستايه‌كێ زانكۆيا زاخۆ باسێ نيگه‌رانى و ترسێ بۆ قۆتابييان كر

24 December 2016

ل ڕۆژا شه‌مبییێ ڕێكه‌ڤتى 24/12/2016 به‌رێز (نزار عصمه‌ت) مامۆستا ل پشكا ده‌روونناسییا گشتى ل زانكۆیا زاخۆ، ب هه‌لكه‌ڤتا نێزیكبوونا ئه‌زموونێن قۆتابیێن قۆناغا ئاماده‌یى چه‌ندین سمینار بۆ قۆتابیێن قۆتابخانه‌یێن (خه‌ملین، ڤین و گلاڤێژ) ل باژێرێ زاخۆ پێشكێشكرن. هه‌ژييه‌ بێژين، بابه‌تێن سمینارێن مامۆستایێ ناڤهاتى ده‌رباره‌ى بابه‌تێن ده‌روونى، وه‌ك (نیگه‌رانى، ترس ژ ئه‌زموونان) بوو.

ل دووماهييێ فه‌ره‌ بهێته‌ گۆتن، كو كارگێريێن قۆتابخانه‌يێن ناڤهاتى سوپاس و رێزێن خۆ ئاراسته‌يى مامۆستا (نزار عصمه‌ت)ى كرن و خوازتن لسه‌ر پێشكێشكرنا سميناران به‌رده‌وام بيت، ژبه‌ركو قۆتابى مفايه‌كێ باش ژ بابه‌تێن ده‌روونى وه‌ردگرن.