بۆیەر

ل زانكۆيا زاخۆ دێ سه‌نته‌رێ جێنده‌رناسيێ هێته‌ ڤه‌كرن

05 May 2019

ل ڕۆژا ئێكشه‌مبێ ڕێكه‌ڤتى (5/5/2019) لده‌مژمێر (10:00) سپێدێ، لژێر چاڤدێریا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ دێ ڕێوره‌سمێن ڤه‌كرنا سه‌نته‌رێ (جێنده‌رناسى و پێشانگه‌هه‌كا شێوه‌كارى) ل ئاڤاهیێ فه‌كۆلتیا زانستێن مرۆڤایه‌تى و هۆلا (خه‌لیل خه‌یالى) هێنه‌ گێران.

ل زانكۆیا زاخۆ دێ گه‌نگه‌شه‌یا نامه‌یا دكتۆرایێ یا قوتابیێ خواندنا بلند (ئیدریس عه‌لى حه‌سه‌ن) هێته‌ ئه‌نجامدان

26 March 2019

ل ڕۆژا چوارشه‌مبێ ڕێكه‌ڤتى (27/3/2019) لده‌ژمێر (10:00) سپێدێ ل زانكۆیا زاخۆ دێ گه‌نگه‌شه‌یا نامه‌یا دكتۆرایێ یا قوتابیێ خواندنا بلند ل پشكا زمانێ ئینگلیزیێ به‌رێز (ئیدریس عه‌لى حه‌سه‌ن) ئه‌وا لژێر ناڤونیشانێ (A Psycho-Socio-Linguistic Study of Characteristics of English Language Learners at University Level) 3 ل هۆلا (خه‌لیل خه‌یالى) ل فه‌كۆلتیا زانستێن مرۆڤایه‌تى دێ هێته‌ ئه‌نجامدان.

ئاگه‌هداریه‌ك ژ ڕێڤه‌به‌ریا په‌رتووكخانه‌یان بۆ قوتابییان

24 March 2019

لیژنه‌یا ڕێڤه‌به‌ر یا په‌رتووكخانه‌یان زانكۆیا زاخۆ ئاگه‌هداریا قوتابیێن هێژا دكه‌ت، كو دێ به‌ریكانه‌یه‌كا زانستى ب شێوه‌یێ (پرسیار و به‌رسڤ) لسه‌ر ئاستێ زانكۆیێ هێته‌ ڤه‌كرن، له‌ورا هه‌ر قوتابییه‌كێ حه‌زا پشكداریێ هه‌بیت گرنگه‌ ب زویترین ده‌م ناڤێ خۆ ل په‌رتووكخانه‌یا كۆلیژ یان فه‌كۆلتیا خۆ تۆمار بكه‌ت.
تێبینى/ دێ ناڤ هه‌ ژ ڕێكه‌ڤتى (24/3/2019) هه‌تا ڕێكه‌ڤتى (4/4/2019) هێنه‌ تۆماركرن. هه‌روه‌سا پرسیار دێ ژ بابه‌تێن (ته‌كنۆلۆژى، مێژوو، وه‌رزش و زانستێن گشتى) هێنه‌ ئاراسته‌كرن.

ل زانكۆیا زاخۆ پێشانگه‌هه‌كا وێنه‌یێن فوتۆگرافى دێ هێته‌ ڤه‌كرن

02 March 2019

ب هه‌لكه‌ڤتا بیره‌وه‌ریێن ئادار و نه‌ورۆز ل ڕۆژا ئێكشه‌مبێ ڕێكه‌ڤتى (3/3/2019) لده‌مژمێر (10:30) ل زانكۆیا زاخۆ دێ پێشانگه‌هه‌كا وێنه‌یێن فوتۆگرافى بۆ فۆتوگرافه‌رێ هێژا (هونه‌ر ساله‌یى) یا لژێر ناڤونیشانێ (سرۆشت و شوینوارێن كوردستانێ) ل فه‌كۆلتیا زانست هێته‌ ڤه‌كرن.

ڕاگریا كۆلیژا كارگێرى و ئابۆرى دێ په‌نه‌له‌كێ ئابۆرى سازكه‌ت

25 February 2019

لژێر چاڤدێریا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ ل ڕۆژا سێشه‌مبێ ڕێكه‌ڤتى (26/2/2019) لده‌مژمێر (10:30) سپێدێ، ڕاگریا كۆلیژا كارگێرى و ئابۆرى دێ په‌نه‌له‌كێ ئابۆرى لدور (جێبجێكرنا یاسایا بۆدجه‌یا ئیراقا فیدرال و كارتێكرنا وێ لسه‌ر ڕه‌وشا ئابۆرى ل هه‌رێما كوردستانێ) ل هۆلا فه‌كۆلتیا زانست سازكه‌ت.

سه‌رۆكایه‌تییا پشكا كیمیایێ دێ ڕۆژا جیهانییا كیمیایێ ساخكه‌ت

24 February 2019

ل ڕۆژا دووشه‌مبێ ڕێكه‌ڤتى (25/2/2019) لده‌مژمێر (11:00) سپێدێ، سه‌رۆكایه‌تییا پشكا كیمیایێ ل زانكۆیا زاخۆ دێ ڕابیت ب ساخكرنا ڕۆژا جیهانى یا كیمیایێ، هه‌ر ب ئه‌ڤێ هه‌لكه‌ڤتێ دێ چه‌ندین چالاكیێن جوراوجور وه‌ك نمایشكرنا چه‌ندین تاقیكرنێن كیمیایێ و پێشاندانا چه‌ندین پۆسته‌ران هێنه‌ ئه‌نجامدان.

ل زانكۆیا زاخۆ دێ كار و چالاكى ب هه‌لكه‌ڤتا ڕۆژا زمانێ دایكێ هێنه‌ ئه‌نجامدان

24 February 2019

ل ڕۆژا دووشه‌مبێ ڕێكه‌ڤتى (25/2/2019) لده‌مژمێر (11:00) سپێدێ، سه‌رۆكایه‌تییا پشكا زمانێ كوردیێ ل زانكۆیا زاخۆ ب هه‌لكه‌ڤتا ڕۆژا زمانێ دایكێ لژێر دوریشمێ (زمان جان و مانا گه‌لانه‌) دێ ڕابن ب بیرهینانا ئه‌ڤێ ڕۆژا گرنگ و تایبه‌ت، هه‌ژییه‌ بێژین كو كار و چالاكیێن ئه‌ڤێ ڕۆژێ دێ ل هۆلا (خه‌لیل خه‌یالى) ل فه‌كۆلتیا زانستێن مرۆڤایه‌تى هێنه‌ گێران.

ل زانكۆیا زاخۆ دێ پێشانگه‌هه‌كا په‌رتووكان هێته‌ ڤه‌كرن

24 February 2019

ل ڕۆژا دووشه‌مبێ ڕێكه‌ڤتى (25/2/209) لژێر چاڤدێریا به‌رێز پرۆفیسۆرێ هاریكار دكتۆر (دیار عه‌بدولكه‌ریم سه‌عید) ڕاگرێ فه‌كۆلتیا زانستێن مرۆڤایه‌تى ل زانكۆیا زاخۆ ب هه‌لكه‌ڤتا ل بیرهینانا ڕۆژا "زمانێ دایكێ" ڕاگریا فه‌كۆلتیێ ب هه‌ماهه‌نگى دگه‌ل په‌رتووكخانه‌یا (نورسین) دێ پێشانگه‌هه‌كا په‌رتووكان ل ئاڤاهییێ فه‌كۆلتیێ بۆ ماوه‌یێ چوار ڕۆژان ڤه‌كه‌ن، بۆ زانین دێ داشكاندن بۆ گشت په‌رتووكان هه‌بیت.

سه‌نته‌رێ گه‌شه‌پێدانا كارى دێ سمیناره‌كێ سازكه‌ت

24 February 2019

ل ڕۆا دووشه‌مبێ ڕێكه‌ڤتى (25/2/2019) لده‌ژمێر (11:30) سپێدێ، سه‌نته‌رێ گه‌شه‌پێدانا كارى ل زانكۆیا زاخۆ دێ سمیناره‌كێ بۆ به‌رێز مامۆستا (ئیسلام سالح تاها) ڕێڤه‌به‌رێ یه‌كه‌یا دلنیا جۆرى لدور بابه‌تێ (پرۆسێسا بۆلۆنا) ل هۆلا (كیمیا) ل فه‌كۆلتیا زانست سازكه‌ت.

گه‌نگه‌شه‌یا نامه‌یا دكتۆرایێ یا قوتابییێ خواندنا بلند (عه‌بدولقادر نورى عه‌بدولكه‌ریم) دێ هێته‌ ئه‌نجامدان

06 February 2019

ل ڕۆژا چوارشه‌مبێ ڕێكه‌ڤتى (6/2/2019) لده‌مژمێر (9:00) سپێدێ، ل زانكۆیا زاخۆ دێ گه‌نگه‌شه‌یا نامه‌یا دكتۆرایێ یا قوتابیێ خواندنا بلند ل پشكا زمانێ كوردیێ به‌رێز (عه‌بدولقادر نورى عه‌بدولكه‌ریم) ئه‌وا لژێر ناڤونیشانێ (ڕۆلێ هه‌ڤتێكستیێ و جۆرێن وێ د ئاڤاكرنا هۆزانا كرمانجیا ژووریدا) ل هۆلا (خه‌لیل خه‌یالى) ل فه‌كۆلتیا زانستێن مرۆڤایه‌تى هێته‌ ئه‌نجامدان.

زانكۆیا زاخۆ دێ سمیناره‌كێ گێریت

28 January 2019

ل ڕۆژا چوارشه‌مبێ ڕێكه‌ڤتى (30/1/2019) لده‌مژمێر (11:00) سپێدێ، زانكۆیا زاخۆ دێ سمیناره‌كێ بۆ به‌رێز دكتۆر (هونه‌ر عیسا) ئه‌ندامێ جڤاتا ئه‌میندارى یا زانكۆیا ئه‌مریكى یا كوردستانێ ل باژێرێ دهۆكێ لژێر ناڤونیشانێ (institutional effectiveness and accreditation) ل هۆلا پشكا كیمیایێ ل فه‌كۆلتیا زانست سازكه‌ت.
دكتۆر (هۆنه‌ر عیسا) پسپۆرى د بوارێ ئه‌ندازیاریێدا هه‌یه‌ و چه‌ندین كۆر و سمینار ل ناڤه‌ندێن زانستى و ئه‌كادیمى گێراینه‌، له‌ورا داخوازێ ژ ستافێ ئه‌كادیمیێ زانكۆیا زاخۆ دكه‌ن كو د ئه‌ڤێ سمینارێدا به‌شدارببن.

ل زانكۆیا زاخۆ دێ ووركشۆپه‌ك هێته‌ گێران

20 January 2019

ل ڕۆژا سێشه‌مبێ ڕێكه‌ڤتى (5/2/2019) سه‌نته‌رێ زانستێن نانوته‌كنۆلۆژیا و فه‌كۆلتیا زانست ب هه‌ماهه‌نگى دگه‌ل سه‌نته‌رێ ڕاهێنان و پێشخستنێ دێ ووركشۆپه‌كێ بۆ ڤه‌كۆله‌ر و مامۆستایێن فه‌كۆلتیا زانست و كۆلیژا ئه‌ندازیارى ل هۆلا پشكا (كیمیايێ) گێرن.
ئارمانجا سه‌ره‌كى ژ سازكرنا ئه‌ڤى ووركشۆپى هاندانا مامۆستا و ڤه‌كۆله‌رانه‌ بۆ ئه‌نجامدانا ڤه‌كۆلینان، فه‌ره‌ بێژین كو د ووركشۆپیدا بتنێ دێ (27) ڤه‌كۆلین هێنه‌ وه‌رگرتن و دێ ده‌مه‌كێ دیاركرى بۆ پێشكێشكرنێ هێته‌ ده‌ستنیشانكرن.
تێبینى: پێشكێشكرن دێ برێكا ئه‌ڤى ئیمێلێ لخوارێ دیاركرى بیت: nanocentre@uoz.edu.krd

زانكۆیا زاخۆ دێ ووركشۆپه‌كێ گێریت

14 January 2019

ل ڕۆژا سێشه‌مبێ ڕێكه‌ڤتى (15/1/2018) لده‌مژمێر (10:00) سپێدێ، لژێر چاڤدێریا به‌رێز دكتۆر (یوسڤ گۆران) وه‌زیرێ خواندنا بلند و ڤه‌كۆلینێن زانستى زانكۆیا زاخۆ دێ ووركشۆپه‌كێ لژێر ناڤونیشانێ (پرۆسێسا بۆلۆنیا ل زانكۆیا زاخۆ ـ جێبجێكرن، ئاسته‌نگ و پێشنیار) ل هۆلا فه‌كۆلتیا زانست گێریت.

ل زانكۆیا زاخۆ ووركشۆپه‌ك دێ هێته‌ سازكرن

14 November 2018

ل ڕۆژا ئێكشه‌مبێ ڕێكه‌ڤتى (25/11/2018) پشكا ماتماتیكێ ل فه‌كۆلتیا زانست ل زانكۆیا زاخۆ دێ ووركشۆپه‌كێ ده‌رباره‌ى بابه‌تێ (Using COMSOL Multiphysics Software in Applied Sciences) سازكه‌ت.
تێبینى: ووركشۆپ بۆ (20) كه‌سانه‌ و تۆماركرنا ناڤان دێ ل سه‌نته‌رێ ڕاهێنان و پێشخستنێ بیت.

ل زانكۆيا زاخۆ پێشانگه‌هه‌كا په‌رتووكان دێ هێته‌ ڤه‌كرن

13 November 2018

لژێر چاڤدێریا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ ل ڕۆژا چوارشه‌مبی ڕێكه‌ڤتى (14/11/2018)، سه‌رپه‌رشت و ڕێڤه‌به‌رێ په‌رتووكخانه‌یا فه‌كۆلتیا زانست به‌رێز مامۆستا (عومه‌ر محه‌مه‌د مسته‌فا) ب هه‌ڤكارى و دگه‌ل په‌رتووكخانه‌یێن (خانى، جزیرى، گازى، فه‌نه‌ر، ناڤیان، قۆبه‌هان و ئه‌نستتیۆتا كه‌له‌پوورێ كوردى) دێ ڕابن ب ڤه‌كرنا پێشانگه‌هه‌كا به‌رفره‌هـ و جۆراوجۆر یا په‌رتووكان ب زمانێن (كوردى، ئینگلیزى و عه‌ره‌بى) د بوارێن وێژه‌یى و زانستیدا. گرنگه‌ بێژین، كو پێشانگه‌ها په‌رتووكان دێ بۆ ماوه‌یێ هه‌فتییه‌كێ ل په‌رتووكخانه‌یا فه‌كۆلتیا زانست به‌رده‌وام بیت.
هاتن بۆ هه‌مييانه‌

ل زانكۆیا زاخۆ دێ گه‌نگه‌شه‌یا نامه‌یا دكتۆرایێ یا قوتابییێ خواندنا بلند (سه‌نعان شیرو ملو) هێته‌ ئه‌نجامدان

11 November 2018

ل ڕۆژا پێنجشه‌مبێ ڕێكه‌ڤتى (29//11/2018) لده‌مژمێر (10:00) سپێدێ، ل زانكۆیا زاخۆ دێ گه‌نگه‌شه‌یا نامه‌یا دكتۆرایێ یا قوتابییێ خواندنا بلند ل پشكا زمانێ ئینگلیزیێ به‌رێز (سه‌نعان شیرو ملو) ل هۆلا (رۆژ) ل كۆلیژا كارگێرى و ئابۆرى هێته‌ ئه‌نجامدان.

ئاگه‌هداریه‌ك ژ سه‌رۆكایه‌تییا پشكا كیمیایێ

10 November 2018

سه‌رۆكایه‌تییا پشكا كیمیایێ ل زانكۆیا زاخۆ ئاگه‌هداریا گشت مامۆستایێن هه‌لگرێن باوه‌رنامه‌یا به‌كالوریۆسێ د بوارێ زانستێ كیمیایێدا دكه‌ت، كو سه‌رۆكایه‌تییا پشكێ دێ ووركشۆپه‌كێ ده‌رباره‌ى (نویكرنا زانیاریان لدور زانستێ كیمیایێ) بۆ پرۆفیسۆرێ هاریكارى دكتۆر (فه‌رهاد محه‌مه‌د عه‌لى) ل هۆلا پشكا كیمیایێ لده‌م و جهێ لخوارێ دیاركرى سازكه‌ت.
ڕۆژا ئێكشه‌مبێ ڕیكه‌ڤتى (11/11/2018) لده‌مژمێر (9 هه‌تا 11) سپێدێ.
ڕۆژا ئێكشه‌مبێ ڕیكه‌ڤتى (18/11/2018) لده‌مژمێر (9 هه‌تا 11) سپێدێ.
ڕۆژا ئێكشه‌مبێ ڕیكه‌ڤتى (25/11/2018) لده‌مژمێر (9 هه‌تا 11) سپێدێ.
ڕۆژا ئێكشه‌مبێ ڕیكه‌ڤتى (2/12/2018) لده‌مژمێر (9 هه‌تا 11) سپێدێ.
ڕۆژا ئێكشه‌مبێ ڕیكه‌ڤتى (9/12/2018) لده‌مژمێر (9 هه‌تا 11) سپێدێ.

ووركشۆپه‌ك لدور (ئه‌نتریال دیزاین) دێ هێته‌ ڤه‌كرن

10 October 2018

نڤێسینگه‌ها ڕاوێژكارى یا كۆلیژا ئه‌ندازیارى ل زانكۆیا زاخۆ دێ ووركشۆپه‌كێ ده‌رباره‌یى (ئه‌نتریال دیزاین) ڤه‌كه‌ت، له‌ورا هه‌ر كه‌سێ حه‌زا پشكداریێ د ووركشۆپیدا هه‌بیت گرنگه‌ ل ڕۆژا دووشه‌مبێ ڕێكه‌ڤتى (17/9/2018) سه‌ره‌دانا نڤێسینگه‌ها ڕاوێژكارى بكه‌ت و ناڤێ خۆ تۆماربكه‌ت.
تێبینى:
ووركشۆپ دێ ل ڕۆژێن (10 و 11 _10_2018) لده‌مژمێر (10 هه‌تا 12) نیڤرۆ هێته‌ ئه‌نجامدان. بۆ وه‌رگرتنا زانیاریێن زێده‌تر، په‌یوه‌ندیێ ب ئه‌ڤێ هژمارا تێلأه‌فوونێ بكه‌ن: 7113086 0750

ئێكه‌مین كۆنفرانسێ نێڤده‌وله‌تى و زانستێ پێشكه‌ڤتى و ئه‌ندازیارى (2018 ICOASE) دێ هێته‌ گێران

08 October 2018

ل ڕۆژا سێشه‌مبێ ڕێكه‌ڤتى (9/10/2018) لده‌مژمێر (8:300) سپێدێ ل هۆلا كۆنفرانسان ل باژێرێ دهۆكێ دێ كۆنفرانسێ نێڤده‌وله‌تیێ زانستێ پێشكه‌ڤتى و ئه‌ندازیارى (2018 ICOASE) هێته‌ گێران. ئارمانجا سه‌ره‌كى یا كۆنفرانسى كۆمكرنا كه‌سایه‌تیێن ئه‌كادیمى و ڤه‌كۆله‌رێن بناڤوده‌نگه‌ ب مه‌به‌ستا سازكرنا گه‌نگه‌شه‌یه‌ك ئاكادیمى و لهه‌ڤگۆهارتنا هزر و بیران و مفا وه‌رگرتن ژ ئه‌زموونێن هه‌ڤدوویه‌.
لدووماهیێ گرنگه‌ بێژین، كو ڕۆژا ئێكێ یا كۆنفرانسى دێ ل باژێرێ دهۆكێ بیت و پاشان دوو ڕۆژێن دیتر دێ ل زانكۆیا زاخۆ بیت.

خۆله‌كا ثریدى ماكس دێ هێته‌ ڤه‌كرن

23 September 2018

نڤێسینگه‌ها ڕاوێژكارى یا كۆلیژا ئه‌ندازیارى ل زانكۆیا زاخۆ دێ ڕابیت ب ڤه‌كرنا خۆله‌كا هێزكرنا پرۆگرامێ (ثریدی ماكس) ب شێوه‌یه‌كێ (بێ به‌رامبه‌ر)، له‌ورا هه‌ر كه‌سێ حه‌زا پشكداریێ هه‌بیت گرنگه‌ ل ڕۆژا دووشه‌مبێ ڕێكه‌ڤتى (17/9/2018) سه‌ره‌دانا نڤێسینگه‌ها ڕاوێژكارى بكه‌ت و ناڤێ خۆ تۆمار بكه‌ت. تێبینى:
1ـ ژمارا قوتابییان ده‌ستنیشانكرییه‌، هه‌روه‌سا ئاستێ خۆلێ ده‌ستپێكییه‌.
2ـ ڕاهێنان لسه‌ر شاشا سه‌ره‌كى یا پرۆگرامى دێ هێنه‌كرن.
3ـ چاوانییا چێكرنا (مجسمێن ثریدى).
4ـ چاوانییا چێكرنا مواد و متریالێن جۆراوجۆر.
5ـ چاوانییا چێكرن و ده‌رهێنانا ثریدیان.
6ـ ڕاهێنان لسه‌ر ڕۆناهیى و كامیرێ.
7ـ خۆل دێ ل ڕێكه‌ڤتیێن (23ـ25-27 _9_2018) ژ ده‌مژمێر (10 هه‌تا 12) سپێدێ ده‌ستپێكه‌ت.
بۆ وه‌رگرتنا زانیاریێ، زێده‌تر، په‌یوه‌ندیێ ب ئه‌ڤێ هژمارا ته‌له‌فوونێ بكه‌ن: (7113086 0750)

ل زانكۆیا زاخۆ دێ گه‌نگه‌شه‌یا نامه‌یا ماسته‌رێ یا قوتابیێ خواندنا بلند (وارھێل عومه‌ر ئیسماعیل) هێته‌ ئه‌نجامدان

06 September 2018

ل ڕۆژا پێنجشه‌مبێ ڕێكه‌ڤتى (6/9/2018) لده‌مژمێر (9:00) سپێدێ ل زانكۆیا زاخۆ دێ گه‌نگه‌شه‌یا نامایا ماسته‌رێ یا قوتابیێ خواندنا بلند (وارھێل عومه‌ر ئیسماعیل) ئه‌وا لژێر ناڤونیشانێ (کوردستان د مەجلسێ مەبعوسانێ ئوسمانیدا ١٩٠٨ - ١٩٢٠ ڤەکۆلینەکا مێژوویی) ل هۆلا (خه‌لیل خه‌یالى) هێته‌ ئه‌نجامدان.